จองทันที!

ထိုင်းနိုင်ငံအလုပ်ပါမစ်သက်တမ်းတိုးဝန်ဆောင်မှု

ထိုင်းနိုင်ငံတွင်းမှာ လက်ရှိအလုပ်လုပ်နေသည့် နိုင်ငံခြားသားများအနေဖြင့် အလုပ်ပါမစ်သက်တမ်းတိုးရန် ယခင်က အလုပ်ပါမစ်ရရှိပြီးသားဖြစ်သည့်အပြင် အလုပ်ဗီဇာ သို့မဟုတ် ထိုင်းနိုင်ငံသားနှင့်လက်ထပ်ထားသည့် မှီခိုဗီဇာဖြင့် ထိုင်းနိုင်ငံတွင် နေထိုင်နေသူဖြစ်ရပါမည်။ ဒါ့အပြင် အလုပ်ပါမစ် သက်တမ်းကုန်သွားသည်ကြောင့်လည်းကောင်း ဗီဇာသက်တမ်းကုန်သဖြင့် အလုပ်ပါမစ်ကိုပါသက်တမ်းတိုးရန် လိုအပ်သည်ကြောင့်လည်းကောင်း သက်တမ်းတိုးရန်လိုအပ်လာပါက အလုပ်ပါမစ် သက်တမ်းကုန်မဆုံးခင် ၁ လအလိုထဲက သက်တမ်းတိုးရန်လျှောက်ထားရပါမည်။ သက်တမ်းတိုးသည့်အခါတွင်လည်း သက်ဆိုင်ရာများမှ ထုတ်ပြန်ထားသည့် သက်မှတ်ချက်များ၊ လိုအပ်ချက်များနှင့် ကိုက်ညီသည့်အပေါ်မူတည်၍ ၃လ၊ ၆လ၊ ၁နှစ် နှင့် အများဆုံး၂နှစ်အထိ သက်တမ်းတိုးနိုင်မည်ဖြစ်ပါသည်။

အလုပ်ပါမစ်သက်တမ်း - ၃လ၊ ၆လ၊ ၁နှစ် နှင့်အများဆုံး ၂ နှစ် 

ဆောင်ရွက်ပုံအဆင့်ဆင့်

• ကနဦးဆွေးနွေးပေးကာ အလုပ်ပါမစ်လျှောက်ထားရန်အတွက် ဘိုကင်တင်ကာ ငွေပေးချေခြင်း
• စာတိုက် သို့မဟုတ် အီးမေလ်မှ လိုအပ်သော စာရွက်စာတမ်းများကို ကျွန်တော်တို့ထံပေးပို့ခြင်း
• ၎င်းစာရွက်များကို လက်ခံစစ်ဆေးပြီးနောက် အလုပ်သမားရေးရာဌာနတွင် လျှောက်လွှာတင်ခြင်း၊
• လျှောက်ထားပြီးချိန်မှ ၁ ရက်မှ ၃ ရက်အတွင်း အလုပ်သမားရေးရာဌာနမှ ခွင့်ပြုချက်ရမည်ဖြစ်သည်။
• တခြားသူမှလည်း လျှောက်ထားသူကိုယ်စား အလုပ်ပါမစ်သက်တမ်းတိုးပေးနိုင်ပါသည်။

ထိုင်းနိုင်ငံ အလုပ်ပါမစ်သက်တမ်းတိုး ဝန်ဆောင်ခများ

• ၃လ သက်တမ်းတိုးလျှင် ဘတ် ၅၅၀၀
• ၆လ သက်တမ်းတိုးလျှင် ဘတ် ၈၅၀၀
• ၁နှစ် သက်တမ်းတိုးလျှင် ဘတ် ၁၂၅၀၀
• ၂နှစ် သက်တမ်းတိုးလျှင် ဘတ် ၁၈၅၀၀

သိထားသင့်သောအချက်များ

• ပထမဆုံးအကြိမ် အလုပ်ပါမစ်သက်တမ်းတိုးသည်ဆိုပါက လွန်ခဲ့သော သုံးလမှ ကုမ္ပဏီဝင်ငွေစာရင်းများကို အလုပ်သမားရေးရာမှကြည့်ရှုပြီး ထိုသုံးလအတွင်း ကုမ္ပဏီဝင်ငွေမှာသတ်မှတ်ထားသော အနည်းဆုံးပမာဏထက် မလျော့နည်းစေရပဲ နှစ်စဥ်ဝင်ငွေမှာ ရလဒ်ကောင်းမွန်ရပါမည်။ အကယ်၍ ကုမ္ပဏီမှာ အရှုံးပေါ်နေသည်ဆိုပါကလည်း အလုပ်သမားရေးရာမှ သတ်မှတ်ချက်များ အပေါ်လိုက်၍ အလုပ်ပါမစ်သက်တမ်းတိုးခွင့်ကို ဆောင်ရွက်နိုင်ပါသည်။
• အချို့သော အလုပ်အကိုင်နှင့် ရာထူးများမှာ နှစ်များစွာ သက်တမ်းမတိုးနိုင်သော်လည်း အခြေအနေများအပေါ်လိုက်ပြီး အလုပ်ပြောင်း‌ရွှေ့စာရွက်စာတမ်းများတောင်းကာ သက်တမ်းတိုးခွင့်ကို အလုပ်သမားရေးရာမှ ဆုံးဖြတ်ပြီး ခွင့်ပြုမည်ဖြစ်သည်။

လိုအပ်သော စာရွက်စာတမ်းများ

(အချက်အလက်များပြည့်စုံစွာဖြည့်ထားသော) ပုံစံ ၂၅ လျှောက်လွှာ 

ဝန်ထမ်းထံမှလိုအပ်သော စာရွက်စာတမ်းများ

• နိုင်ငံကူးလက်မှတ်မိတ္တူနှင့် စာမျက်နှာတိုင်း၏မိတ္တူ
• အလုပ်သမားဝန်ကြီးဌာနမှသတ်မှတ်ထားသည့် အတိုင်းဆေးစစ်ထားသည့် ဆေးစစ်ချက်လက်မှတ်
• မနှစ်မှ ဝင်ငွေခွန်စာရွက်
• ထိုင်းနိုင်ငံသားနှင့် လက်ထပ်ထားသည့် မှီခိုဗီဇာဖြင့် နေထိုင်နေပါက လက်ထပ်စာချုပ်နှင့် ထိုင်းနိုင်ငံသားအိမ်ထောင်ဖက်၏ နိုင်ငံသားမှတ်ပုံတင်ကတ်မိတ္တူ
• ထိုင်းနိုင်ငံသားအဖြစ် နေထိုင်နေသည့် ကလေးရှိသော နိုင်ငံခြားသားများ မှီခိုဗီဇာဖြင့် နေထိုင်နေပါက ကလေး၏မွေးစာရင်း၊ ကလေး၏ အိမ်ထောင်စုစာရင်း၊ လက်ထပ်စာချူပ်နှင့် ထိုင်းနိုင်ငံသားအိမ်ထောင်ဖက်၏ နိုင်ငံသားမှတ်ပုံတင်ကတ်မိတ္တူ

ကုမ္ပဏီနှင့် အလုပ်ရှင်ထံမှ လိုအပ်သောစာရွက်စာတမ်းများ

• ကုမ္ပဏီမှတ်ပုံတင်လိုင်စင်
• ကုမ္ပဏီအဖွဲ့ဝင်စာရင်း
• P.K.0401 လျှောက်လွှာစာရွက်
• ကုမ္ပဏီအခွန်စာရင်း
• ကုမ္ပဏီအရှုံးအမြတ်စာရင်း
• ကုမ္ပဏီငွေခွန်စာရင်း
• ကုမ္ပဏီတာဝန်ရှိသူတစ်‌‌ယောက်၏ မှတ်ပုံတင်မိတ္တူ
• ထိုင်းနှင့် နိုင်ငံခြားသား ဝန်ထမ်းများ၏ လွန်ခဲ့သော ၃လမှ ကိုယ်ပိုင်ဝင်ငွေခွန်စာရင်း
• လွန်ခဲ့သော ၃လမှ လူမှုဖူလုံရေးကိုပေးဆောင်ထားသည့်စာရင်း မိတ္တူ
• လွန်ခဲ့သော ၃လမှ ပေးဆောင်ထားသည့် VAT30 သို့မဟုတ် VAT36 မိတ္တူ